In Limba sarda gli auguri di Nicola Loi di Ortueri per l’anno “ch’intrat in sa janna”, che “che entra dalla porta”.Nella traduzione di Grazia e di Salvatorica, la poesia verrà inserita tra i testi del Laboratorio Linguistico “Eya, emmo, sì: là dove il sì suona, s’emmo e s’eya cantant”, incontri transoceanici tra il Circolo “Su Nuraghe” di Biella e il Circulo sardo “Antonio Segni” di La Plata (Argentina) nell’ambito di “Casa Sardegna – gemellaggio tra Nuraghes”, progetto a regia regionale su indirizzo assessoriale di Assessoradu de su Traballu, Formatzione professionale, Cooperatzione e Seguràntzia sotziale – Assessorato del lavoro, Formazione professionale, Cooperazione e Sicurezza sociale della Regione Autonoma della Sardegna.
Simmaco Cabiddu
Nell’immagine, Natale nella casa di Sardi a Biella
S’annu betzu
Cust’annu ‘etzu fatu at un’unchìnu,
Si leat sa carrela de s’istoria.
Cun gosos e dolores intro ‘e sinu,
Che-i sos mortos: a sa santa gloria!
Lassat un’eredade piedosa,
Tota sa zente est in martirizu.
In su giardinu est sica sa rosa,
Ca de valores no b’at contivizu.
Sas concas chi deviant aer’ sale,
Si sunt currinde mustrende sas dentes.
Est abberu ferida mundiale,
E pianghent sos poberos dolentes.
S’annu nou est in sa contonada,
In gioventùde lieru che canna.
Chi siat colorida dogni annada,
Dae sa die ch’intrat in sa janna.
Chie no cheret ponner’ pius su velu,
In libertade potat seberare.
Sas bombas no arrivent dae chelu,
Sas armas chi si potant amudare.
E sos pitzinnos de su mundu intreu,
Ballent leados totus a sa manu.
Chi sa paghe lis torret su recreu,
Pro chi connoscant nou su beranu.
Sa gioventùde chi siat cuntenta
Chi apat una domo cun familia.
No restet frima tota a una tenta,
Ma potat aer’ trastos e mobilia.
Chi s’annu nou batat pensiones,
A chie trabagliadu at una vida.
Siant azudadas cuddas natzìones,
Chi finas s’abba tenent limidida.
A tie sa reina de sa domo,
Chi faghes puru ateras fainas,
Chi mudet totucantu dae como,
A tie e totacantas sas reinas.
Tue trabagliadore virtudosu,
Chi ses s’amore de sa domo tua.
Ses babbu bonu e menzus isposu,
Cun sos onores a sa moda sua.
A sos pitzinnos de sa prima-‘essida,
Chi sunt s’ispera ‘e tempus benidore.
Dogn’ora chi lis siat favorida,
Cun libertade, giustitzia e amore.
Augurios mannos dae coro,
Comente in sinu ‘ostru disizades.
Cun s’arcu ‘e chelu ocannu coloro,
Gai s’annu pius galànu lu passades.
Nigolau Loi, su 31 de Nadale 2022
L’anno vecchio
Quest’anno vecchio ha fatto un inchino,
Prende la strada della storia.
Con gioie e dolori dentro il petto,
Come per i defunti: alla santa gloria!
Lascia un’eredità pietosa,
Tutta la gente è in sofferenza.
Nel giardino è secca la rosa,
Perché dei valori condivisione non c’è.
Le teste che dovevano essere sagge,
Si rincorrono mostrando i denti.
È davvero una ferita mondiale,
E piangono i poveri dolenti.
L’anno nuovo sta per arrivare,
Giovane e leggero come canna.
Sia colorata ogni annata,
Dal giorno che sta alla porta.
Chi non vuole portare più il velo,
In libertà possa scegliere.
Le bombe non arrivino dal cielo,
Le armi possano tacere.
I bambini del mondo intero,
Ballino tenendosi per mano.
La pace riporti loro la spensieratezza,
Conoscano di nuovo la primavera.
La gioventù sia contenta,
Abbia una casa con famiglia.
Non resti ferma senza un obiettivo,
Ma possa avere mobili e suppellettili.
L’anno nuovo porti pensioni,
A chi ha lavorato una vita.
Siano aiutate quelle nazioni,
Che persino l’acqua hanno razionata.
A te la regina della casa,
Che svolgi pure altre faccende,
Che muti tutto da adesso,
Per te e per tutte le regine.
Tu lavoratore virtuoso,
Che sei l’amore della tua casa.
Sei padre buono e migliore sposo,
Con gli onori che ti son dovuti.
Ai giovani che si affacciano alla vita,
Che sono la speranza del tempo che arriva.
Ogni ora sia loro favorevole,
Con libertà, giustizia e amore.
Auguri grandi dal cuore,
Come in cuore vostro desiderate.
Con l’arcobaleno quest’anno dipingo,
Che sia l’anno migliore per voi.
Nicola Loi, 31 Dicembre 2022
