Pastori sardu e pastori piemontesu fainti unu traballu chi si assimbillara, si assimbillara prus pagu su rispettu chi teninti.
In su giornali sa Stampa de Torinu de dominigu 19 de cabudannu anti riportau sa notizia ca unu talu de brebeis esti stetiu agrediu de canis arestisi e ndi anti mortu trintanoi.
Siccomenti su fattu esti succediu in i montis altusu de sa Valsesia, in provintzia de Vercelli, bollu signalai cantu si funti donaus de fai po agiurai su pastori a ricuperai is su spegus de is brebeis.
Narara su giornali, su ricuperu ari mobilitau sa Protetzioni Civili, de mengianu chitzi si funti agataus in pitzus de is montis de Alagna, is tecnicus de su Succursu Alpinu, is Finanzierierisi e su Sindigu de Alagna Sesia.
Sa Regioni Piemonti hat mandau, a ispesas suasa, unu elicoteru privau po podi carriai is su spegus e du santi consegnausu a sa ASL de Vercelli po is controllus.
Abundi esti su spantu si ara pregontai calincunu. Bastara a pensai ca in custa provintzia piemontesa is brebeis nu arribanta a centu mila, sa pastoritzia non contara nuda in sa economia de custu territoriu. Cun tottu cussu, Sindigu e Autoriraris anti dimostrau rispettu mannu po su traballu de su pastori.
Su spantu esti candu pensu a tottu su chi esti sucedendi a is pastoris sardus lottendi de annus po si biri riconottu su traballu insoru. Esti unu de is settoris prusu importantisi de sa economia sarda, cun tottu cussu, no dus paganta su latti a pretziu de podi bivi e su agiuru chi arribara de parti de is guvernantis esti ca funti narendidusu chi… ” tres milionis de brebeis funti tropusu, toccara a ndi bocciri (canis arestis sardus) e a prantai trigu “Senatore Capelli”, o a faghere ateru”. Pariri a mimi ca pastori sardu e pastori piemontesu fainti unu traballu chi si assimbillara, ma, forsis, si assimbillara prus pagu su rispettu chi teninti.
Pieru Pinna
Beridadi de oi, ma cosas ‘e sempiri in sa vida e in sa istoria de su
Populu sardu ! – Realtà di oggi, ma verità di sempre nella vita e nella
storia del Popolo sardo! – Si est justu de du nai ai Sardus in fueddari
sarda, est de nai puru a tottu su Mundu in fueddari italianu, ingresu
etc… – E’ opportuno dirlo ai Sardi in lingua sarda, ma è altrettanto
importante dirlo a tutto il Mondo in lingua italiana, inglese, ecc. –
Cun is carinnia et elogius po is autoridadis de Valsesia e de Piemonti,
si ponidi in evidetzia sa differenti sensibilidadi de autoridadis
localis et de su guvernu natzionali po is pastoris de Sardinnia. In
tempu passau, po sa malasorti de pastoris et massaius e de biddas
interas, in Sardinnia custa sensibilidadi fuada in totu de sa Genti,
a comintzai ‘e sa comunidadi ‘e sa bidda, guvernu et regnantis donanta
una alemusina.
Eita imparaus: ca is aturus teninti su coru ‘e perda ‘e
ferru et binti a issus scetti.
Salve, presidente e amici, t.o.