Cando is preris, po penitentzia donanta unu tanti de màtasa de pirastru e de oliastru de incirai – su Monti de Accoddi e sa dì de “Sant’Andria piscagiolu” cando si usada a papai pisci – unu bellu arrogu asuba de i messaius
“De ita si fuedhara oi” – pregontara Gavinu Pecorini setzendisì – “de su chi boleus e de su chi si benniri a conca” – d’arrispundeus.
Nau sa berirari ca chistionendi a treulu candu tocara a du scriri est prus traballosu, ma s’acuntentaus de su chi ndi bessiri.
Pieru e Brai chistionanta de sa domu e de s’aposentu, in logusu mera a su fuedhu aposentu si aciungiri su chi si doi fairi, s’aposentu de prandi, s’aposentu mannu de arriciri, s’aposentu de corcai, in su Sulcis de su chi sciu deu, po aposentu si intendiri sa stanza de letu, e si narara sa domu de sa farra, sa domu de sa pala,s a domu de sa mou, abui passilara su muenti po moli.
Gianni Lai de Sarrocch nadara ca contanta is antzianus ca prusu o mancu a metari de s’Ottuxentus is preris candu cunfessanta, po penitentzia donanta unu tanti de màtasa de pirastru e de oliastru de incirai, mi fairi arregorai di ai ligiu in “storia della Sardegna” de Remundu Carta-Raspi, ca prusu o mancu a sa fini de su Setixentus ianta mandau messaius sardus in Piemonti po di s’imparai a incirai poita ca no du scienta fai su giuditziu chi ianta donau de custa scolarizzazioni non fura de is prus bellus is sardus triganta a imparai, funti durus de conca. S’atra cosa chi mi fairi arregorai est ca in s’atobiu de cabudanni Brai chistionendi de candu ianta adotau su sistema metricu decimali in Terramanna puru ianta donau s’incarrigu a is preris de du spiegai in sa missa.
Mariu Secci de Triei ha numenau Sant’Andria, su presidenti Battista Saiu, de bonu professori fairi unu piticu assuntu, “Sant’Andria piscagiolu” frari de Simon Pietro, su chi guvernara totus i santus e i mortus, primu discepulu de Juanne Battista est stetiu crocificau a Patrasso, est mera venerau de sa cresia greca. Cambiendi chistioni eus numenau su Monti Accoddi e inoi puru Battista si ari fatu un’atru bellu assuntu, altari preistoricu scopertu in su 1954 de s’archeologu Ercole Contu, s’agatara in territoriu tataresu in su mori chi andara a Portu Turres, sigundu is istudiosus podiri essi de su quartu millenniu a.C., assimbillara ai Ziqqurat de sa Mesopotamia di abui nanta ca arribaus nosu sardus. Est una mesu piramide a gradonis, si pensara
chi fessiri un altari dedicau a una divinirari, facili a su soi, ma ita ndi apanta fatu is antigus de precisu non si sciri, deu perou, rispettu a su chi ari spiegau Battista, apu segau mera in cruzu.
Brai, a comenti s’ari abituau ha preparau unu bellu arrogu asuba de i messaius “de s’axrola a su forru”, si cunsilu de du ligi.
Pieru Pinna
